Kryeministri Haradinaj priti në zyrë nënën, motrat e kunatën (Foto)

Kryeministri i Kosovës, Ramush Haradinaj gjatë ditës së sotme ka zhvilluar një takim të këndshëm me nënën, motrat dhe kunatën. Takimi është zhvilluar në ambienetet e Qeverisë së Kosovës ndërsa ka thënë se ky aktivitet ditor ia ka zbukuruar ditën.

“Secili takim me nanën na i freskon kujtimet e fëmijërisë dhe të rritës, na i kujton vuajtjet por edhe ëndrrat dhe gëzimet familjare.

Sot më zbukuruan ditën me vizitën e tyre nana ime, Ruka, dhe motrat Mema e Antigona, si dhe kunata Suzana, që erdhën nga Gllogjani për t’me uruar për përgjegjësitë që kam marrë për ta drejtuar Qeverinë e vendit”, shkruan Haradinaj në FB.

Tutje ai thotë se dashuria ndaj nënës e inkurajon që të punojë në shërbim të vendit dhe qytetarëve.

“I jam mirënjohës nanës dhe i përkulem, jo vetëm që më ka sjellë në këtë botë, por mbi të gjitha si nanë e dashur dhe durimtare e dhjetë fëmijëve.

Duart e nanës janë vet metafora e jetës, ato na kanë ushqye, përkëdhelë e vënë në gjumë, ato duar na kanë dhënë ngrohtësi, na kanë ngritur lartë, deri në nivele më siperane të jetës!

Prandaj, dashuria individuale për nanën është njëherësh edhe universale dhe më inkurajon që gjithnjë të jem në shërbim të të gjithë njerëzve të Kosovës, pa dallim, i dashur dhe i kujdesshëm për me i dalë në ndihmë secilit njeri që ka halle”, përfundon postimi i tij.

Leave a Reply